महाभारतातील स्त्रिया भाग २ / Mahabhartatil Striya Part 2

Description

प्राचीन वाङ्मयात आढळणाऱ्या व्यक्तींविषयी आपल्याला विविध माध्यमांतून आणि विविध प्रकारे बरेच काही वाचायला व ऐकायला मिळालेले असते. पण अनेकदा त्या व्यक्तींविषयी मूळ संस्कृत ग्रंथांतून जे काही म्हटलेले असते, ते नेमकेपणाने आपल्यापर्यंत आलेले नसते. स्वाभाविकच, त्या व्यक्तींविषयी काही नेमकी मते बनविण्याच्या दृष्टीने मूळ ग्रंथातील त्यांचे शब्दचित्रण नजरेखालून घालणे उपयुक्त ठरू शकते. महाभारत हा एक विशाल ग्रंथ आहे. त्यामध्ये असंख्य व्यक्तींची वर्णने आहेत. या ग्रंथात स्त्रियांची नाना रूपे आलेली आहेत.

पहिल्या भागात सावित्री, माधवी, शकुंतला, अंबा आणि द्रौपदी यांच्याविषयी महाभारताने केलेल्या लेखनाचे काही विवेचन केले होते. शिवाय, एका जन्मात पुरुष आणि स्त्री अशा दोन्ही अस्तित्वांचा अनुभव घेतलेल्या एका काल्पनिक व्यक्तीच्या कथेचीही चर्चा केली होती. आता या दुसऱ्या भागात आणखी काही महत्त्वाच्या स्त्रियांची चरित्रे चर्चेला घेतली आहेत.